Basler Fasnacht 2011

By uns kasch nach em schaffe – bymene Bier oder au 4, no immer ains ko paffe Drum hänn myr dänggt – Gott bewahr, und baue die aige Raucherbar «Rauchfrei und vom Leben mehr» – drfür dr ganz Daag d’Spunte leer. So sinn myr do ghoggt, ganz verdrosse – do isch uns DIE Idee in Kopf gschosse Hammer, Saagi, Pinsel Zange – do isch es denn schnäll vorwärts gange Viili Samschdige hänn myr baut – und denn kum den Auge traut Do wärde sie stuune – Auge mache und gaffe – wenn myr fahrend uff dr Route paffe. Drum sage myr stolz und ungeniert – dä Wagebau dä hett rentiert

Lauf emohl durch Basel und suech e Baiz – gmietlig und im Winter am beschte ghaizt S’isch egal wo, ob am Seibi oder am Rhybord unde – ich will ässe, ebbis dringge imene glatte Spunte

Doch wo de ane gohsch, an dr Dyyre e grosse F – und kum hoggsch kunnt sofort dr Chef Är nimmt Dyr mit aim Satz dr ganzi Spass – denn är frogt: Hesch au Du e Fumoarpass?

Will Dy dr Staat bekehre, muesch Dy drgege wehre, sy sage es sig nur fi ir Dyni Gsundhait – aber aigentlig nimmt me Dyr Dyni Freiheit. Doch d Leesig kunnt vo Basel-Stadt am Rhy – und iiber 170 Baize sin drbi Bsorg Dyr sone Fumoar-Pass – denn machts Paffe au wider Spass. Rauche ganz legal – ich has begriffe, muesch aifach au a vo Kiffe!

Denn fählt no s Madamm vo uns Zwäärge Sälli vo hinderde 7 Bäärge Unser Neizuegang das Grittli Hejo, dängg s Schneewittli

Au dä wo uns zieht im Traggdoor – obwohl kai Zwäärg Kunnt immerhin vo hoch obe – em Schlipferbäärg

Kunnsch vom Schaffe und willsch nonig haim in d Fingge – dänggsch gohsch no ains go dringge Do triebe sie Dy scho wieder uff d’Palme – denn nienne deerfsch no friedlig Qualme Neuschdens hesch e ganze diggs Portemonnaie doch laider nyd voll Kies und das isch mies Sondern – und das isch s’Schlimme, mit emme Kärtli vo jeder Knille.